Intare muri Afurika y’Epfo zagiye mu muhanda ziraryama kubera nta bagenzi benshi bakiwukoresha.
Mu gihe ibihugu bimwe na bimwe bya Afurika byashyizeho itegeko ribuza abaturage kujya hanze kugira ngo hatabaho ikwirakwira rya COVID-19,Ibi byatumye inyamanswa zibona ko bimwe mu bice byakoreshwaga n’abantu birimo ubusa, nazo zirabyigarurira.
Muri imwe muri parike nini y’inyamanswa zo muri Afurika Intare ziyemeje gufata umwanya wo kuruhukira mu muhanda.
Umuyobozi wa Kruger muri Afurika y’Epfo Ku wa gatatu, Richard Sowry, ubwo yari mu kazi ke gasanzwe, yahuye n’itsinda rinini ry’intare zari zisinziriye cyane hagati y’umuhanda.
Abashinzwe parike bavuga ko mu minsi isanzwe ubundi intare zikunze kugaragara mu mihanda nijoro.
Iyi foto yafashwe gute?
Ubwo yari atwaye imodoka azenguruka parike ku gicamunsi cyo ku wa gatatu, yabonye intare zuzuye mu muhanda, bityo bimusaba gusubira inyuma nko muri metero eshanu arareba.
Mu gihe yafotoreshaga telefoni ye, Intare nyinshi zari zasinziriye uretse imwe yari maso yitaye ku byakorwaga na Sowry.
Yabisobanuye agira ati: “Intare zimaze kumenyera abantu mu modoka. Inyamaswa zose zitinya abantu bagenda, iyo ngenda rero ntibyari kunyemerera.”
